⁊ seide hit an bruttisc; ne cuðe he nan ænglisc.
maiden Rouwenne; drinc bluðeliche þenne.
Þat maide dronc up þat win; ⁊ lette don oðer þer in.
⁊ bi tæhten þan kinge; ⁊ þrien hine custe.
285 ⁊ þurh þa ilke leoden; þa laȝen comen to þissen londe.
wæs hail ⁊ drinc hæil. moni mon þer of is fain;
Rouwenne þe hende; sat bi þan kinge.
þe king heo ȝeorne biheold; heo was him an heorte leof.
ofte he heo custe; ofte he heo clupte.
290 Al his mod ⁊ his main; halde to þan mæidene.