285 And þorh þisne ilke game; þe lawe come to londe.
wassaẏl and dring haẏl; þat mani men lofuieþ.
Þe faire Rowenne; sat bi þan kinge.
þe king hire ȝeorne bi heold; ȝeo was him leof on heorte.
Ofte he hire custe; and ofte he hire clupte.
Þe worse was þare wel neh; þat to soche game his wel sleh.
þe worse þat neuere ne doþ god; he meẏnde þare þes kinges mod
þe king mornede swiþe; for habbe hire to wifue.
þat was swiþe loþlich þing; þat þe cristene king.
295 louede þat Maide heaþene; folk to harme.