By this tale a man may se that, whan a precher dothe rebuke any synne or vyce wherin he is knowen openly to be gyltie him selfe, suche prechynge shall lytell edefye to the people.

Of the frankelyns sonne that cam to take ordres. lxix.

¶ A certayne scoler there was, intendynge to be made a preest, whyche hadde nother great wytte nor lernynge, came to the bysshoppe to take orders, whose folysshenes the bysshoppe perceyuynge, because he was a ryche mannes sonne wolde nat very strongly oppose him, but asked him thys questyon: Noye had thre sonnes, Sem, Came, and Japhete; nowe tell me, who was Japhetes father? But the scoler was all abashed, and knew nat what to answere: wherefore the bysshoppe sayde: get the home and consider awhile, and come agayne and soyle[117] me this questyon, and thou shalt haue orders. This scoler so departed and came home to his father, and shewed hym the cause of the hynderaunce of his orders. Hys father, beyng angry at his folisshenes, thought to teche hym the solucyon of this questyon by a familier example, and called his spanyels before hym, and sayd thus: Thou knowest well, Colle my dogge hathe these iii. whelpes, Ryg, Trygge and Tryboll. Muste nat all my dogges nedes be syre to Tryboll? Than quod the scoler: by God! father, ye [have] sayd trouthe. Let me alone nowe; ye shall se me do well ynoughe the nexte tyme. Wherfore on the morowe he wente to the bysshoppe agayne, and sayd he coulde soyle his questyon. Than sayd the bysshoppe: Noye had thre sonnes, Sem, Came,[118] and Japhete. Now, tell me who was Japhetes father. Mary, syr, quod the scoler, if it plese youre lordeshyppe, Colle my fathers dogge.

By this tale a man may lerne, that it is but loste tyme to teche a fole any thynge, whiche hathe no wytte to perceyue it.

Of the husbandman that lodgyd the frere in his own bedde. lxx.

¶ It fortuned so that a frere, late in the euenynge, desyred lodgynge of a poore man of the countrey, the whiche for lacke of other lodgyng, glad to harborowe the frere, lodged him in his owne bedde. And after, he and his wyfe, the frere beynge a slepe, came and laye in the same bedde; and in the mornynge after the poore man rose and went to the market, leauyng the frere in the bedde with his wyfe. And as he wente he smiled and laughte to hym selfe; wherfore hys neyghbours demaunded of hym, why he so smyled. He answered and sayd: I laughe to thynke, howe shamefaste the frere shal be whanne he waketh, whome I left in bedde with my wyfe.

By this tale a man may lerne, that he that ouershoteth hym selfe doth folysshely: yet he is more fole to shewe it openly.