By this tale ye may lerne to perceyue, that it is no wysedome for a man to be couetous of wynnynge of any wager to put in ieopardye a thynge, that maye turne him to greatter displeasure.

Of the scoler of Oxforde that proued by souestry ii chykens iii. lxvii.

¶ A ryche Frankelyn in the contrey hauynge by his wyfe but one chylde and no mo, for the great affeccyon that he had to his sayd chylde founde hym at Oxforde to schole by the space of ii or iii yere. Thys yonge scoler, in a vacacyon[112] tyme, for his disporte came home to his father. It fortuned afterwarde on a nyght, the father, the mother and the sayd yonge scoler

5 lines wanting.

I haue studyed souestry, and by that scyence I can proue, that these ii chekyns in the dysshe be thre chekyns.[113] Mary, sayde the father, that wolde I fayne se. The scoller toke one of the chekyns in his hande and said: lo! here is one chekyn, and incontynente he toke bothe the chekyns in his hande iointely and sayd: here is ii chekyns; and one and ii maketh iii: ergo here is iii chekyns. Than the father toke one of the chekyns to him selfe, and gaue another to his wyfe, and sayd thus: lo! I wyll haue one of the chekyns to my parte, and thy mother shal haue a nother, and because of thy good argumente thou shalte haue the thyrde to thy supper: for thou gettyst no more meate here at this tyme; whyche promyse the father kepte, and so the scoller wente without his supper.

By this tale men may se, that it is great foly to put one to scole to lerne any subtyll scyence, whiche hathe no naturall wytte.

Of the frere that stale the podynge.[114] lxviii.

¶ A frere of London there was that on a Sonday in the mornynge yerly[115] in the somer season came fro London to Barnette to make a colacyon,[116] and was there an houre before hye masse began: and bycause he wolde come to the churche honestly, he wente fyrst to an ale house there to wype his shoes and to make him selfe clenly. In the whyche house there were podynges to sell, and dyuers folkes there brekynge theyr faste, and eatynge podynges. But the frere brake his faste in a secrete place in the same house. This frere sone after came to the church, and by lycence of the curate entered into the pulpet to make a colacyon or sermon. And in his sermon there he rebuked sore the maner of them that met to breke theyr faste on the Sonday before hye masse, and said it was called the deuyls blacke brekefast. And with that worde spekynge, as he dyd caste his armes out to make his countenaunce, there fell a podyng out of his sleue, whiche he hym selfe had stolen a lytell before in the same alehouse; and whan the people saw that, and specially they that brake theyr faste there the same mornynge, and knewe well that the wyfe had complayned howe she had one of her podynges stolen, they laughed so moche at the frere, that he incontynente wente downe out of the pulpet for shame.