¶ One John Roynoldes[259] rode oute of London vpon a tyme towarde Walsyngham, in company of a yonge man of the same cite, that hadde nat moche ben accustomed to ryde. So they came to an Inne, where a[260] great companye was lodged. And in the mornynge whan euery man made hym redy to ryde, and some were on horsebacke setting forwarde, John Roynoldes founde his companion, syttynge in a browne study at the Inne gate, to whom he sayd: for shame, man, how syttest thou? Why doste thou nat make the redy to horsebacke, that we myght sette forwarde with companye? I tary (quod he) for a good cause. For what cause, quod Roynoldes? Marye (quod he), here be so many horses, that I can nat telle whiche is myne owne amonge the other, and I knowe well, whan euery man is riden and gone, the horse that remaineth behynde must nedes be myn.

Of the yonge man of Bruges, and his spouse. lxxiii.

¶ A yonge man of Bruges, that was betrouthed to a fayre mayden, came on a tyme, whan her mother was out of the way, and had to do with her. Whan her mother was come in, anone she perceyued by her doughters chere, what she had done; wherfore she was so sore displesed, that she sewed a diuorse, and wolde in no wyse suffre that the yonge man shulde marye her daughter.

Nat longe after, the same yonge man was maryed to an other mayden of the same parysshe: and as he and his wyfe satte talkynge on a tyme of the forsayde dammusell, to whome he was betrouthed, he fell in a nyce[261] laughyng. Whereat laugh ye? quod his wyfe. It chaunced on a tyme (quod he), that she and I dydde suche a thyng to gether, and she tolde hit to her mother. Therin (quod his wyfe) she playde the foole: a seruante of my fathers playde that game with me an hundred tymes, and yet I neuer tolde my mother. Whan he herde her saye so, he lefte his nyce laughynge.

Of hym that made as he hadde ben a chaste lyuer. lxxiiii.

¶ A felowe, that toke vpon him, as he had ben the moste chaste and beste disposed man lyuinge, was by one of his felowes on a tyme taken in aduoutry,[262] and sharpely rebuked for it, bycause he prated so moche of chastite, and yet was taken in the same faute. To whome he answerde againe: O fool, doste thou thinke that I did it for bodely pleasure? No! no! I dyd it but onely to subdue my flesshe, and to purge my reynes.

Wherby ye may perceyue, that of all other dissemblynge hipocrytes are the worste.