Of hym that the olde roode fell on. lxxv.

¶ As a man kneled vpon a tyme prayenge before an olde rode, the rode felle downe on him and brak his hede; wherfore he wolde come no more in the churche halfe a yere after. At lengthe, by the prouocation of his nighbours, he cam to the churche agayne; and bycause he sawe his nighbours knele before the same rode, he kneled downe lyke wyse and sayde thus: well, I may cappe and knele to the; but thou shake neuer haue myn harte agayne, as long as I lyue.

By which tale appereth, that by gentyll and courteyse entreatinge mens myndes ben obteyned.[263] For though the people cappe and knele to one in highe authorite, yet lyttell whoteth he, what they thynke.

Of the wydow that wolde nat wedde for bodily pleasure. lxxvi.

¶ There was a ryche wydowe, whiche desyredde a gossyp of hers, that she wold get her an husband: nat for the nyce playe, quod she, but to th' entente he may kepe my goodes to gether, whiche is an harde thinge for me to do, beynge a lone woman. Her gossyp, whiche vnderstode her conceyte, promysed her so to do. Aboute iii or iiii dayes after, she came to her agayne, and sayde: gossyp, I haue founde an husbande for you, that is a prudente, a ware, and a worldlye[264] wyse man, but he lacketh his priuey members, wherof ye force nat. Go to the dyuell with that husbande (quod the wydowe): for though that I desyre nat the nyce playe: yet I wylle that myne husbande shall haue that, where with we may be reconciled, if we falle at variance.

Of the couetous ambassodour, that wolde here no musike. lxxvii.

¶ Whan a couetous man on a time was come vnto a certain cite, whither he was sent as ambassadour for his contrey, anon the mynstrels of the cite came to him to fil his eares with swete din, to th' intente he shuld fyl their purses with money. But he, perceyunge that, bad one of his seruauntes go and telle them, that he coulde nat than intende[265] to here their musicke, but he muste demene great sorow, for his mother was deed. So the minstrels, disapointed of theyr purpose, all sadlye went theyr waye. And whan a worshipfull man of the cite, that was his frende, herd tell of his mourning, he came to visete and comforte him; and so in talkynge together he asked, howe longe a go it was that his mother deceased? Truelye (quod he), hit is xl yere ago. Than his frende, vnderstandyinge his subtilte, beganne to laughe hartely.

This tale is aplyed to the couetous men, whiche by al crafte and meanes study to kepe and encreace theyr money and substance; agaynst whiche vyce many thinges ben wryten. As farre (sayth one) is that frome a couetous man that he hath, as that he hath nat.[266] And Diogenes calleth couetousnes the heed of all yuels, and saynt Hieronyme calleth couetousnes the rote of all yuels. And for an example, the tale folowinge shall be of couetousnes.