I schal bynde yow in your bedde, þat be ȝe trayst:"
Al laȝande þe lady lanced þo bourdeȝ.
"Goud moroun g[aye],"1 quod Gawayn þe blyþe,
"Me schal worþe at your wille, & þat me wel lykeȝ,
For I ȝelde me ȝederly, & ȝeȝe after grace,
& þat is þe best, be my dome, for me by-houeȝ nede;"
& þus he bourded a-ȝayn with mony a blyþe laȝter.
"Bot wolde ȝe, lady louely, þen leue me grante,
& de-prece your prysoun, & pray hym to ryse,
I wolde boȝe of þis bed, & busk me better,