I schulde keuer þe more comfort to karp yow wyth."
"Nay, for soþe, beau sir," sayd þat swete,
"Ȝe schal not rise of your bedde, I rych yow better,
I schal happe yow here þat oþer half als,
& syþen karp wyth my knyȝt þat I kaȝt haue;
For I wene wel, Iwysse, sir Wawen ȝe are,
Þat alle þe worlde worchipeȝ, quere-so ȝe ride;
Your honour, your hendelayk is hendely praysed
With lordeȝ, wyth ladyes, with alle þat lyf bere.
& now ȝe ar here, iwysse, & we bot oure one;