Syþen þay slyt þe slot, sesed þe erber,
Schaued wyth a scharp knyf, & þe schyre knitten;
Syþen rytte þay þe foure lymmes, & rent of þe hyde,
Þen brek þay þe bale, þe baleȝ out token,
Lystily forlancyng, & bere of þe knot;
Þay gryped to þe gargulun, & grayþely departed
Þe wesaunt fro þe wynt-hole, & walt out þe gutteȝ;
Þen scher þay out þe schuldereȝ with her scharp knyueȝ,
Haled hem by a lyttel hole, to haue hole sydes;
Siþen britned þay þe brest, & brayden hit in twynne,