Verayly his venysoun to fech hym byforne;
& al godly in gomen Gaway[n] he called,
Techeȝ hym to þe tayles of ful tayt bestes,
Scheweȝ hym þe schyree grece schorne vpon rybbes.
"How payeȝ yow þis play? haf I prys wonnen?
Haue I þryuandely þonk þurȝ my craft serued?"
"Ȝe I-wysse," quod þat oþer wyȝe, "here is wayth fayrest
Þat I seȝ þis seuen ȝere in sesoun of wynter."
"& al I gif yow, Gawayn," quod þe gome þenne,
"For by a-corde of couenaunt ȝe craue hit as your awen."