"Þis is soth," quod þe segge, "I say yow þatilke,
&1 I haf worthyly þis woneȝ wyth-inne,
I-wysse with as god wylle hit worþeȝ to ȝoureȝ."
He hasppeȝ his fayre hals his armeȝ wyth-inne,
& kysses hym as comlyly as he2 couþe awyse:
"Tas yow þere my cheuicaunce, I cheued no more,
I wowche hit saf fynly, þaȝ feler hit were."
"Hit is god," quod þe god mon, "grant mercy þerfore,
Hit may be such, hit is þe better, &1 ȝe me breue wolde
Where ȝe wan þis ilk wele, biwytte of hor3 seluen?"