Le Jeune's Relation, 1634
Paris: SEBASTIEN CRAMOISY, 1635
Chaps. x.-xiii., and Index, completing the document; Chaps. i.-ix. appeared in Volume [VI.]
[164] CHAPITRE X. [6]
DE LEURS HABITS & DE LEURS ORNEMENTS.
C'ESTOIT la pensée d'Aristote, que le mõde auoit fait cõme trois pas, pour [165] arriuer à la perfection qu'il possedoit de son temps. Au premier les hommes se contentoient de la vie, ne recherchants purement & simplement que les choses necessaires & vtiles pour sa conseruation. Au second ils ont conjoint le delectable auec le necessaire, & la bienseance auec la necessité. On a trouué premierement les viures, puis les assaisonnements, on s'est couuert au cõmencement contre la rigueur du temps, & par apres on a donné de la grace & de la gentillesse aux habits, on a fait des maisons aux premiers siecles simplement pour s'en seruir, & par apres on les a fait encore pour estre veuës. Au troisiéme pas les hommes d'esprit voyans que le monde iouyssoit des choses necessaires & douces pour la vie, ils se sont a donnez à la contemplation des choses naturelles, & à la recherche des sciences, si bien que la grande Republique des hommes s'est petit à petit perfectionnée, la necessité marchant deuant, la bien-seance & la douceur venant apres, & les sciences tenant la dernier rang.