Thenne made she hym to be caste into a drye pytte / and there tormented hym by hungre / and evyl reste / whan he had been seuen dayes in that pytte / thenne sayd he yf I myght be drawen out / he shold say the trouthe / Thenne he was drawen out / and whan he came to the place / anone the erthe moevyd and a fume of grete swettnesse was felte in suche wyse that Iudas smote his hondes togyder for ioye / and sayd / in trouthe Ihesu criste thou art the savyour of the worlde.
22Twenty Paces.
It was so that adryan the Emperour had doo make in the same place where the crosse laye a temple of a goddesse by cause that all they that come in that place shold adoure that goddesse/. But the quene did doo destroy the temple / Thenne Iudas made hym redy and began to dygge / and whan he came to
paas22 depe / he fonde three crosses and broughte them to the quene / And bycause he knewe not whiche was the crosse of our lord / he leyed them in the myddel of the cyte / and abode the demonstraunce of god / and aboute the houre of none / there was the corps of a yonge man brought to be buryed / Iudas reteyned the byere / and layed upon hit one of the crosses / and after the second / and whan he leyed on hit the third / anone the body that was dede came ageyn to lyf/.
23Everlasting.
Thenne cryed the devyll in the eyre Iudas what hast thou doon / thou hast doon the contrarye that thother Iudas dyd/. For by hym I have wonne many sowles / and by the I shal lose many / by hym I reygned on the peple / And by the I have lost my royame / never the lesse I shal yelde to the this bountee/. For I shal send one that shal punysshe the / and that was accomplysshed by Iulian the apostata / which tormented hym afterward whan he was bysshop of Iherusalem / and whan Iudas herde hym he cursed the devyl and sayd to hym / Ihesu cryste dampne the in fyre pardurable23/. After this Iudas was baptyzed and was named quyryache[G]/. And after was made bysshop of Iherusalem/. Whan helayn had the crosse of Ihesu criste / and saw she had not the nayles / Thenne he dyd dygge in therthe so longe / that he founde them shynyng as golde/. thenne bare he them to the quene / and anone as she sawe them she worshypped them wyth grete reverence/.
Thenne gafe saynt helayn a part of the crosse to hir sone / And that other parte she lefte in Iherusalem closyd in golde / sylver and precious stones/.
24Eusebius, Bishop of Cesaræa.
25Killed.