[Notes][29.] Lay u kahlail tulacal lae tin hun molcinzah uay ti librose uchebal u nuctic uba uinicob himac bin oltic yohelto u ɔoc lukanil yanomal ca noh ahau Dios uchac tumen tusinile.—U patanil hibic ulci Españolesob uay tac lumil lae tumen u yolat ca yumil ti Dios ahtepal uay ti peten; lae baix u than ca yum Señor Dn Juan de Montejo y D. Franco de Monte lay yax ulob uai tac lumil lae laix tu ɔah u thanil u cumtal iglesia ti ɔucenɔucil cahob u hol cababob y yotoch cah u kuna ca yum noh ahau bay u cah mensone u yotoch ah na mulbeobe[209-1].
[Notes][30.] Bay xan cu yalic ca noh yum Ah Naum Pech Dn Franco de Montejo Pech y Dn Juan Pech lai u kabaob ca oci haa tu holob tumen padresob y adelantado lay capitan hi layob ulob uai ti lume Yocolpeten, hek lai kabanzabi ti Yucatanil tumen ca yax yumob Españolesob lae baix bin u patcantic ca yum Españolesob, hebic u beltahob, caxtu yalah binil hunkul cuxlacon tumen Dios, caix ti yubah Maya uinicob heklay u kabaob lae, ca tu yalah Naum Pech ti u mektan cahil ti ɔuɔucencil:—“Oheltex, talel u cah hunabku, ti peten heklai hahal Diose, u chicul hahal Dios; binex cuxlac, ca cici kamex, ma a ɔaicex katun yokolob ca pas ma u hanalob y yukalob ixim, cax, uluum, cab, buul u hanalob yoklal [210-1]u colcah ti Cristianoil lai u palil ton Dios;” bay tun cibahob mamac ɔai katun caix tu likzahubaob ca bin u yan teob Españolesob tu concixtob tu yet xinbal tahob ɔulob.
[Notes][31.] Bay xan he Nachi Cocom ti cahan tu holcacab Sutuytae tu chuccabal Chicħen Ytzae heklay kabansabi Chicħen Ytzaile he Ah Cohuot Cocome tu yantah u than Dios y ca noh ahau tu luksah u [210-2]ponob u banderasob, utia ca noh ahau utial conquixta y adelantado y yum padre clerigo tu cuch cahil xan maix u ɔa yah katun u lukzahubaob ichilob kaxahob kunal y yotoch cah tu cuchteelob.
[Notes][32.] Hex Naɔi Mabun Chane culhi tu ca cabil u natatah bicil talel u cah hunkul cuxtal yoltah u kububaob ti Dios tu hahil Ah Catzimob y AhChulimob tu chuccabil Manil, y Ah Tutul Yiu hex uay ti lakin Chel y Tan Cupulob hex ti Campeche Naɔacab Canul; bay ɔa lukanhi u tan hahil Dios uay ti peten uay tu lumil Sacuholpatal Sacmutix tun, Ah Mutule, Tunal Pech culhi uay ti cah lae.
[Notes][33.] He Ah Naum Peche uay u payahe mehenob caix ti yalah:—“Oheltex, hun ynix u kaba kin ahbalcab bin uluk ahlikin cabob hun mexob Ahpul tu chicul hunabku ti peten ca xicex ti kam bu hahil asilex[211-1]:” bay tan binciob tu xinbalob yalan che yalan haban, ca kuchiob tu tancabal Naɔaycab Canule Campech, ca yalahob:—“Hele tac u yulel a uula, Ah Naɔacab Canule, caxti kam tuzebal la umen;” yalab lae ca tipp u chemob tu hol u kaknabil Campech, caix ti [211-2]yalahob ca yumtah banderasob sasacpon, ca ulon pixtahob Adelantado caix katabitiob tumen lai Cristianoob Adelantado uatub ocahalob ichil Castellano than, matan u natob ca uchen nucahob than:—“matan c ubah than;” ci u thanob caix alabi Yucatanilob uay tu lumil cutz tu lumil ceh.
[Notes][34.] Bay tun binciob capitanesob y ca yum Adelantado Dn Franco de Montejo lay tu beltah u yabal ppis y kuuch utial muse utial bucoh ɔimin[211-3] tumen binel u cibahob tu cahal Manii yicnal Ahtutul Xiu: ca kuchob Yiba caniob Yibae, kuchob Nohcacab likul tal Becal, bay tun manciob Españolesob ca kuchob Mani yicnal Tutul Xiu caix ti uacuntabic nacon Ikeb nacon Caixicum nacon Chuc lay bin xic u paye Ah Cuat Cocom; lay tun u chun u culcintabal [211-4]ahactan ob tumen u cuchulob ca lukzabi u uichob yalan nohoch [211-5]yacatun sa bin tal pulbil huntul lay ma lukzabi u uich ti yacatun sabin, luksabi u uich ca ɔa be ti ca bin nacpalancal ti yicnal Adelantado Manii, caix ualkahi yah pululob tu cahal Cuuat Cocom; catun liki Ah Naum Pech y tu catulilob xic u talez Ah Cuat Cocom; cu kuchulob, ca yalah ti Naun Pech bicil ma yilahi maix yabahi ca yalah bicil ti binan tu Chicħen Ytzae tuzebal tal ci tu cail tumen Ahpechob, ca kuchob Manil kube u cħasahob tusebal u yalci Ah Cocom ma yilah bal uch tu cahal caix ɔab u chucil ti cabin u chucob mac u beltahlobe.
[Notes][35.] Baix tun tal ci Ahpech tu cahalob yila u mektan cahilob uinicilobe baytun talciob hex cat tal ɔulob tumen bin uchci u cimsabal ɔuul ti cah tumen u cuchulob, catun manobca biniob yicnal Ah Batun Pech Cay Chel, lay tun yilahobe ca manob ca binob Maxtunil yicnal Machi May y tun Ah Macan Pech; bai tun ualkahciob tu lumilob tu mektan cahilob tu Yaxkukule; lai Dn Pablo Pech Ah Macan Cam Pech tumenel halach uinic lai mektanmail tulacal lai uay ti chi kin lae yoklal maix u lukul yol nacomob, tulacal bayxan lay tumen culcinaben in canant lay cacab Cħac Xubub Cħen lae tumenel maseneal uinicob lae tan u [212-1]sa uinolabob lai tumen [212-2]chic u nakci u yolah Dios ti cahob.
[Notes][36.] Lae hex lay ytoria lae tulacal tux manel Sr Españolesob y kubabaob yax padresob, y u kaba yax ɔulob bin ɔoloc[213-1] tumen lai u ɔilibal, lae yoklal mentahan utial yoheltabal bic uchic concixta, uabic numya tu mansahob uay yalan chee yalan aak yalan haban, ichil lay hab lae y u cha yan yax uinicob mehentzilob hancabob yoklal manal cappel oxppel hab cahanob ta muktun u ɔablahal cahob tumen ca yumil ɔulilob, lae ta muktun u ppizil cahob u ppizil u kaxilob cahob tumen Oidor Tomas Lopes yan sedula tu kabob tumen ca noh Ahau utial tun xotlahal kaxob ti mac cu cahtalob, ti ma yanac cahob cuchi tumen te zihnalon be nae tulacalob, ti cu halach uinicil Naum Pech cuchi, ti ma uluc ɔulob heɔic Cristianoil uay ti lum cuchi, he tun cat kuchi u kinil u yulah uay ti peten, lae cat ul ɔulob uai ti lum Yucatan lae, ca binon kameob tumen u zahacil ca puczikal, cat ɔoci Cristianoil uay ti lum lae cat ɔablahon canante cacabob, ti ma yanac Sa Yglesia cuchi, cat hau u cahil lay bena lae ma cah.
[37.] Helelae lay u chun in patcantic hen cex bin uchic u yuchul concixta bahun numya t mansah y Sr Españolesob yoklal maya uinicob cuchi matan yolte ukuubaob ti Dios, ten tun cen D. Pablo Pech tin tzolah u xicinob ti cacab Maxtunil.
[38.] Bay tan matan culhani catun emon ti cacab Cħac Xulub Cħen, ɔoci tun u Cumtal Sa iglesia, lae ca tun ppisah ca ppisbi tu ɔutpach cahlahbal yanumal in mehenob u chen cimic yokolcab, tumen ma u macan tu baltiob[214-1] tumen Maya uinicob, ma u manbal cuntabalob u cħinal hen cex bax tu ɔahton ca yumil ti Dios tumen u zahacil puczikale, lay tumen ɔab u chucil ton tumen ca noh ahau Rey Ahtepal y catun cumcintah Sa iglesia utial kultic ca yumil ti Dios y yotoch cah tu lakin iglesia u kuna ca noh Ahau yetel meson.