[Notes][6]. Uac ahau chucuc u luumil Chanputun. Can ahau, cabil ahau, oxlahun ahau, buluc ahau, bolon ahau, uuc ahau, ho ahau, ox ahau, hun ahau, lahca ahau, lahun ahau, uaxac ahau paxci Chanputun; oxlahunkal haab cu tepalob Chanputun tumenel Ytza uinicob ca talob u tzac le u yotochob tu caten; laixtun u katunil binciob ah Itzaob yalan che, yalan [96-2]aban, yalan ak ti numyaob lae; lai u habil cu [96-3]xinbal lae 260.
[Notes][7]. Uac ahau, can ahau, cakal haab, ca talob u heɔob yotoch tu caten ca tu zatahob chakanputun; lay u habil lae 40.
[Notes][8]. Lai u katunil cabil ahau u heɔcicab Ahcuitok Tutulxiu Uxmal; cabil ahau, oxlahun ahau, buluc ahau, bolon ahau, uuc ahau, ho ahau, ox ahau, hun ahau, lahca ahau, lahun ahau; lahun kal haab cu tepalob yetel u halach uinicil chicħen Itza yetel Mayalpan; lai u habil lae 200.
[Notes][9]. Lai u katunil buluc ahau bolon ahau uuc ahau, uaxac ahau, paxci u halach uinicil Chicħen Itzaa tumenel u kebanthan Hunac eel; ca uch ti Chacxibchac Chichen Itzaa tu kebanthan Hunac eel u halach uinicil Mayalpan ich paae. Cankal haab catac lahunpiz haab, tu lahun tun, uaxac ahau cuchie lai u habil paxci tumenel Ahzinteyut chan yetel Tzuntecum, yetel Taxcal, yetel Pantemit, Xuchueuet yetel Ytzcuat, yetel Kakaltecat; lai u kaba uiniclob lae uuctulob ah Mayelpanob lae 90.
[Notes][10]. Laili u katunil uaxac ahau lai ca binob u paa ah Ulmil ahau tumenel u uahal uahoob yetel ah Itzmal ulil ahau lae oxlahun uuɔ u katunilob ca paxob tumen Hunac eel; tumenel u ɔabal u natob; uac ahau ca ɔoci hunkal haab catac canlahun pizi; lai u habil cu [97-1]xinbal 34.
[Notes][11]. Uac ahau, can ahau, cabil ahau, oxlahun ahau, buluc ahau chucuc u luumil ich paa Mayapan, tumenel u pach tulum, tumenel multepal ich cah Mayalpan, tumenel Ytza uinicob yetel Ulmil ahau lae, cankal haab catac oxppel haab; yocol buluc ahau cuchi paxci Mayalpan tumenel ahuitzil ɔul tan cah Mayapan 83.
[Notes][12]. Uaxac ahau lai paxci Mayapan; lay u katunil uac ahau, can ahau, cabil ahau, lai haab, cu ximbal ca yax mani españoles u yax ulci caa luumi Yucatan tzucubte lae oxkal haab paxac ichpaa cuchie 60.
[Notes][13]. Oxlahun ahau, buluc ahau uchci mayacimil ich paa yetel nohkakil; oxlahun ahau cimci Ahpula; uacppel haab u binel ma ɔococ u xocol oxlahun ahau cuchie; ti yanil u xocol haab ti lakin cuchie, canil kan cumlahi pop, tu holhun zip catac oxppeli, bolon imix u kinil lai cimci Ahpula; laytun año cu ximbal cuchi lae ca oheltab lai u xoc numeroil anos lae 1536 años cuchie, oxkal haab paxac ichpa cuchi lae.
[Notes][14]. Laili ma ɔococ u xocol buluc ahau lae lai ulci españoles kul uincob ti lakin, u talob ca uliob uay tac luumil lae; bolon ahau hoppci cristianoil; uchci caputzihil; laili ichil u katunil lae ulci yax obispo Toroba u kaba; heix año cu ximbal uchie 1544.