Rex omnibus ad quos, &c. salutem.
Sciatis quòd, cùm venerabilis in Christo pater Michael Dublinensis Archiepiscopus habere et percipere debeat viginti libras per annum, de nobis pro suo sano consilio utilitatem et politicum regimen terræ nostræ Hiberniæ concernente,
nobis impenso et impendendo tempore quo Archiepiscopus ibidem extiterit, prout ejus prædecessores, Archiepiscopi loci prædicti, ac de consilio nostro et progenitorum nostrorum Regum Angliæ existentes, habere solebant de nobis et progenitoribus nostris prædictis pro hujusmodi consilio suo,—dictoque nunc Archiepiscopo summa quinquaginta librarum, de dictis viginti libris annuis (videlicet, a quarto die Novembris, in anno regni nostri vicesimi-noni usque quartum diem Februarii in anno regni nostri tricesimi-primi, scilicet per duos annos integros et unum dimidium annum, per quod tempus ipse venerabilis pater Archiepiscopus Dublinensis extitit, et sanum suum consilium ad utilitatem terræ nostræ prædictæ impendit,) per nos debita jam existat,—volentes eundem Archiepiscopum tam de dictâ summâ quinquaginta librarum contentari, quàm de viginti libris annuis hujusmodi, pro tempore quo ipsum Archiepiscopum ibidem fore contigerit percipiendis et habendis, ipsum Archiepiscopum securiorem fieri et reddi, de gratiâ nostrâ speciali ac de mero motu et certâ scientiâ nostris, commissimus eidem nunc Archiepiscopo custodium manerii sive dominii de Tassagard cum pertinentiis, necnon villæ de Ballachize, parcellæ manerii prædicti, cum pertinentiis, in manu nostrâ certis de causis existentium, habendum et tenendum eidem Archiepiscopo, unà cum proficiis, commoditatibus, curiis, juribus, emolumentis, et pertinentiis suis quibuscunque, per totum tempus quo ipsum Archiepiscopum Dublinensem fore contigerit, reddendo inde nobis per annum, pro custodiâ prædictâ, durante tempore illo, ad Scaccarium nostrum in Hiberniâ, tales et tantas denariorum summas, de qualibus et quantis nobis pro custodiâ manerii et villæ prædictorum cum pertinentiis modo responsum existet; et ulteriùs volumus et præfato Archiepiscopo concedimus quòd ipse centum solidos annuatim de denariorum summis, quæ per ipsum Archiepiscopum de custodiâ prædictâ deberi contigerint, in manibus suis propriis habeat et retineat, quòdque ipse dictam summam quinquaginta librarum inde sic levaverit, perciperit, et in manibus suis retinuerit.
Et insuper quòd ipse Archiepiscopus annuatim, durante toto termino prædicto, quo ipse Archiepiscopus ibidem et de consilio nostro fuerit, de hujusmodi denariis, de custodiâ prædictâ nobis per ipsum Archiepiscopum debendis et extunc proveniendis, in manibus suis propriis habeat et retineat viginti libras per annum, habendas, percipiendas, et retinendas in satisfactionem dictarum viginti librarum per annum, quas ipse Archiepiscopus pro consilio suo prædicto de nobis per tempus prædictum percipere debet, quamdiù ipse Archiepiscopus Dublinensis extiterit, pro sano suo consilio nobis impendendo; et ulteriùs concedimus præfato Archiepiscopo quòd ipse, in solutione dictarum denariorum summarum et custodiæ prædictæ, ad Scaccarium prædictum de omnibus hujusmodi summis, quas ipse Archiepiscopus, prætextâ harum literarum nostrarum patentium, habuerit, perciperit, aut retinuerit, de tempore in tempus, debitam habeat deductionem et allocationem; aliquo statuto, actu, ordinatione, sive restrictione in contrarium factis, editis, seu provisis, sive aliquâ aliâ re, materiâ, vel causâ non obstantibus. In cujus, &c. Teste Rege apud Westmonasterium, nono die Maii [1453].
Per Breve de Privato Sigillo.
St. Wenn measures 3,858 statute acres.
| £. | s. | d. | |
| Annual value of the Real Property as returned to Parliament in 1815 | 2963 | 0 | 0 |
| Poor Rate in 1831 | 228 | 5 | 0 |
| Population,— | |||
| in 1801, 358 | in 1811, 452 | in 1821, 589 | in 1831, 649 |
giving an increase of 81 per cent. in 30 years.
Present Incumbent, the Rev. R. P. Gilbert, instituted in 1810.