In martirologio fratrum minorum Bodman.
Scriptum est, lex gratitudinis requirit, ut beneficia beneficiis recompensentur, unde Beatus Augustinus libro soliloquiorum dicit, beneficium accepisti, et auctorem ejus
non agnoscis; dominus in manifesto, et largitor in occulto, ista arguunt ingratitudinem: et quia labilis est humana memoria, ne multiplicia beneficia facta in ecclesia monasterii Sancti Benedicti de Hulmo, diocesis Norwicensis, per Johannem Fastolf chevalier, ideo dignum duxi dicta hic in scripto redigere ut patebit inferius.
Nobiles et generosi in kalendario fratrum Sancti Francisci de Bodman.
- Edmundus et Johannes comites Cornubiæ.
- Johannes filius Radulphi de Bodman.
- Dominus Johannes de Arundell chevalier.
- Dominus Willelmus Seregeaux.
- Dominus Hugo Peverelle.
- Dominus Thomas de Cantia.
- Dominus Johannes Beaupree.
- Dominus —— Trewynt.
- 1369. Dominus Thomas Carmynew miles.
- Dominus Willelmus Sergeaux.
- Dominus Willelmus Trelothyk.
- Dominus Baldewynus de Bello prato.
- Dominus Edmundus Hywys armiger.
- Dominus Walterus Blewet.
- Willelmus Blundelle.
- Dominus Thomas de Cantia, obiit anno Christi 1299.
- 1360. Domina Sibilia Daime obiit.
- Richardus rex Alemaniæ, comes Cornubiæ, 3 die Aprilis obiit.
- 1314. Jacobus de Peverelle obiit.
- 1346. Margeria de Treverbyw obiit.
- 1327. Hugo de Peverelle miles obiit.
- Walterus episcopus Exoniensis obiit die 23 Jullii, precipuus benefactor fratrum Sancti Francisci.
- 1349. Domina Margareta Sergeaux, obiit primo die Augusti.
- Johannes Mowne armiger, die 2ᵒ Augusti.
- Dominus Radulphus de Wytheel.
- Domina Alicia Fittzwater.
- Edmundus comes Cornubiæ, primo die Octobris.
- Johannes Rodeney miles.
- Edmundus Clevedon miles.
- Willelmus Chambron anno Christi 1353.
In registro apud Bodman ecclesiam fratrum minorum.
Magna pestilencia per universum mundum inter Saracenos, qui pagans, et postea inter christianos; incepit primo in Anglia circa kalend. Augusti, et parum ante Nativitatem Domini intravit villam Bodminiæ, ubi mortui fuerunt circa mille quingentos per estimacionem; et numerus fratrum defunctorum a capitulo generali Lugduniæ celebratum anno Christi 1351, usque ad aliud sequens capitulum generale, fuit de fratribus tresdecim milia octingenti octaginta tres, exceptis sex vicariis.
Informacio Roberti Bracey apud Fowey.
Sancta Kynburga virgo, 25 die Junii, in Kalendario Bodman.
Sanctus Vylloc, heremita et martir, natus de Hibernia, de parochia Lanteglys, ubi Walterus episcopus Norwicensis fuit natus in dicta parochia per unum miliare villæ de Fowey, et dictus sanctus habet festum ejus custoditum die jovis proxime ante festum pentecosten.