[5.2] Parchment mutilated.
[8.1] Thomas, Duke of Clarence, the King’s brother.
[8.2] James Butler, Earl of Ormond.
[8.3] Sir John Cornwall, afterwards Lord Fanhope.
[8.4] John Mowbray, Earl Marshal, afterwards Duke of Norfolk.
[8.5] Fitz-Hugh.
[2]
AMYE BOWET TO ——[9.1]
1417–9
Trescher et mon tresfiable amy je vous salue tressouvent de tout mon cuer, desirant pur savoir et oier bons noveles de vous, et que vous soiez en prosperitee. Et, mon tresfiable amy, vous face assavoir que monsieur mon baron covient sey apparailler et ordenyier envers le Roy ore en y ceste proschein viage en la presence oue le Duc de Excestre, pur la quelle luy covient faire graundes expenses entour son arraie en salvacion de son honour, lequel je vorreie faire ma diligence pur saluer et encrescer a mon poair, come je suy graundement tenuz; et vous estez la persone en la quelle je plus graundement maffie devaunt aucune altre ore vivant. Pur quey je vous emprie tresespecialment de trestout mon cuer que vous please pur faire a tant pur moy quant a ore pur moy faire chevyceance de xl. marcz come pur voie dapprompt ore en y ceste nostre graunde busoigne, promittant de certeyne que sereez bien et loialment repaiez a aucune jour reisoignable que vous veuilliez assigner; et si vous ne osez pleignement affier en y ceste ma promys pur peril quent purra avenir en temps avenir, vous auerez tiel seuretee come vous veuillez deviser. Trescher et mon tresfiable amy, pluisours a vous nay escrier au present, mays que vous veuillez doner foie et credence a une gentile feme portour dycestes. Et pri al Saint Espirit qil vous ait touz jours en sa tressaintisme garde. Escript en haste a Wrentham, le xxviiime jour de Mars. Amye Bowet.
On the back is written in a different hand:—