[190.5] An agreeable companion.—F.
[190.6] St. Matthew’s Day is the 21st September.
[610]
MARGARET PASTON TO JOHN PASTON[191.1]
1465
SEPT. 27
Ryght wourchipful husbonde, I recomaunde me to yow, dyssyryng hertely to here of yowr welfare, thankyng yow of yowr grett chere that ye made me, and of the coste that ye dede on me. Ye dede more cost thanne my wylle was that ye choulde do, but that it plesyd yow to do so, God gyf me grase to do that may plese yow. Plesyt yow to wet that on Fryday after myn departyng frome yow I was at Sudbury and spake with the schreve, and Ric. Calle toke hym the ij. writts, and he brake them, and Ric. hathe the copes of them; Vic. Norfolk pro ovibus. and he seyde he wolde send the writts to hys undre-schryf and a leter therwyth, chargyng hym that he schowlde do ther ine as largely as he owt to do. Answer of the writts and of the replevyn. And I and Ric. informyd hym of the demenyng of hys undrchryf, how parciall he hade be with the other partye, bothe in that mater, and also for the accionnys beyng in the scher; and he was nothyng wel plesyd of the demenyng of hys undreschef, and he hat wretyn to hym that he choulde be indeferent for bothe partyes acordyng to the lawe, bothe for that materys and for alle other. What the undreschryf wylle do therin I wot ner, for he is not yet spokyn with.
Item, as for Cotton, I entryd in to the plase as on Sunday last was, and ther I abode tyll un Wednysday last pasyd. Margareta Paston intravit manerium Cotton die Dominica proxima ante festum Michaelis. I have left ther John Paston the yonger, Wykes, and other xij. men for to receive the profyttes of the maner; and ayenst the day of kepyng of the corte, I hope ther shall be more to streynkyth them, yf it nede. John Paston hath be with my lorde of Norfolk seyth [since] we entryd, and dyssyryd his good lorchyp to streynth hym with hys howsolde men and other yf nede be; and he hath promysyd he would do so. I thank yow of your demenyng at Cotton. And I sent Ric. Calle on Tusday to Knevett, dysyryng hym that he woulde sende to hys baley and tenaunts at Mendlesham, that thei choulde be redy to come to John Paston whan he sent for them; and he sent a man of his forthwith, chargyng them in aney wyse that they choulde do so. Remembir Nakton. And he sent me wourde be Ric. and hys sonne also, yf wee were not stronge inough, that owther he or hys sonne, or bothe yf nede were, would come with suche feleschipp as they coude gett abowt them, and that thei woulde do as feythfully as they kowde for yow, bothe in that mater and in alle other.
Item, on Saterday last was, Jenney ded warne a corte at Calcotte to be holde ther in hys name as on Tusday last was, and Debenham de[d] charge another court ther the Sunday next after to be holde ther the same Tusday in hys name. And Daubeney had knowleche ther of, and he dede send on Sunday at nyght to yowr elder sonne, for to have some men fro thens; and so he sent Wykes and Bernay to hym on Monday in the mornyng. Mokenge of Jenney and Debenham at Calcotes the Tuisday next bifore Sen Migchell. And assone as thei were come to Castre thei sent for men ther in the contre, and so they gett them in to a iij.xx. men; and Daubeney and Wekes and Bernay rod to Calcott the same Munday at nyght with ther felechyp, and ther kept them prevye in the pl[a]se, so that non of alle the tenaunts kneue them ther, saf Rysyngs wyff and her howsolde, tylle the Theusday at x. of the cloke. Now your cost is doon, consideryng your frends be corayges and your enemyes discoraged, gadir up the profits in all goodly hast, and that I may see acompt for this trobill tyme. And than Sir Thomas Brews, Debunham the fadre,[192.1] and the knyt hys sonne,[192.2] Jenney, Mykelfylde younger, Jermyn, and younge Jernyngham, and the Baley of Motforde, with other to the noumbre of a iij.xx. persones, coum fro the sessionnys at Becklys, the whech thei hade keppt ther on the day byfor, coume to Seynt Olevys, and ther thei teryed and dynyd. And whan thei had dynyd, Sir Gylberde Debenham came to Calcott with xx. hors for to wett what felechipp ther was in the plase. And than Wekes aspyed them commyng; and he and Bernay and ij. with them rode owt to a’ spoke with them. And whan Sir Gilberd aspyd them comyng, he and his felechipp flede and rode ayen to Seynt Olovys. And than they sent young Jernyngham and the Baley of Mottforde to yowr men lettyng hem wete that the Justice of the Pese wer coum doune with Debunham and Jenney, to se that the pese choulde be kepte, and that thei choulde entre and kepe the courte in pesible wyse. And yowr men answeryd and seyd that they knewe no man was possessyd ther in, ner hade no ryght therin but ye, and so in your name, and in your ryght they seyd they woulde kepyt. And so they yede ayen with thys answer, and wer put fromme ther purp[o]se that day. And all the tenaunts bestes wer put fro Calcalcott[193.1] fee, and challe be tylle other remedy maye be hadde. Yowr men woulde not kepe ther a cort that daye by cause it was warnyd by the tother parte, but we wyl do warne a corte and kepyt, I hope in hast. Ye wyll laugh for to here alle the processe of the demenyng ther, wheche wer to longe to writt at thys tyme. Veneat (sic) Barney. Bernay challe telle yow whane he come; but he challe not come to yow tylle after Seynt Feythesmesse,[193.2] that he maye bryng yow answeres of other materys. Cessiones Norwici et Dunwici Martis proximo post festum Michelis. It is tolde me the sessionys choulle be her at Norwiche on Tusday next comyng, and in Suffolk the Sessionys challe be the same Tusday owther at Dounwyche or at Ypswyche. I suppose ther challe be labowr ayenst soume of our folks ther, but we cholle assay to lete ther pourpose yf we maye. De prudencia custodiendi Heylesdon. It is tolde me yf ther hade no folks a’ be left here in thys plase whyll I have be owt, they choulde a’ be neue masters her by thys tyme; therfor it is not good to leve it alone yett.
Tenentes comitis Oxoniæ pro custodia Cotton.
Item, Arblaster hathe sent a letter to myn Lorde of Oxenefords tenaunts that be nerrest abowt Cotton to help John Paston yf they be sent to, &c.
Episcopus Norwici pro ecclesia de Drayton.