Et ut cunctis clarius hæc aperiantur,
Melius et plenius hic notificantur.
Robertus excoriat, extorquet, et minatur;
Et Ricardus retinet totum quod lucratur;
Gilebertus decipit, et inde gloriatur;
Galfridus se procrastinat, et nil operatur.
Veritatem prosequar ore nunc aperto:
Vir quicunque rabidus consors est Roberto;
Vir fallax et cupidus par fit Gileberto;
Vir piger et tepidus Galfridus est pro certo.