Tempus piger protrahit omni tardus hora;
Operari negligit quæ sunt meliora;
Bona nimis differens ruit in pejora;
Et ut bene faciat semper est in mora.
Hic promittit quodlibet, sed nil vult implere;
Semper dicit “faciam,” nunquam facit vere;
Sed cum mors est proxima, tunc incipit dolere;
Magnum est periculum tam sero pœnitere.
Quisque sibi caveat ne decipiatur;
Pœnitere studeat antequam labatur;