Ly quens Montfort, sa dure mort molt enplorra la terre.
Si com je qui, par un mardi, firent la bataile,
Tot à cheval, fust le mal, sauntz nulle pedaile;
Tresmalement y ferirent de le espie forbie,
Qe la part sire Edward conquist la mestrie.
Ore est ocis, etc.
Mès par sa mort, le cuens Mountfort conquist la victorie,
Come ly martyr de Caunterbyr, finist sa vie;
Ne voleit pas li bon Thomas qe perist seinte Eglise,
Ly cuens auxi se combati, e morust sauntz feyntise.