Ore est ocys, etc.
Sire Hue le fer, ly Despencer, tresnoble justice,
Ore est à tort lyvré à mort, à trop male guise.
Sire Henri, pur veir le dy, fitz le cuens de Leycestre,
Autres assez, come vus orrez, par le cuens de Gloucestre.
Ore est ocis, etc.
Qe voleint moryr, e mentenir la pees e la dreyture,
Le seint martir lur fra joyr sa conscience pure,
Qe velt moryr e sustenir les honmes de la terre,
Son bon desir acomplir, quar bien le quidom fere.