Thus we carpeth for the kyng, and carieth ful colde,
And weneth for te kevere, and ever buth a-cast;
Whose hath eny god, hopeth he nout to holde,
Bote ever the levest we leoseth a-last.
Luther is to leosen ther ase lutel ys,
And haveth monie hynen that hopieth therto;
The hayward heteth us harm to habben of his;
The bailif bockneth us bale and weneth wel do;
The wodeward waiteth us wo that loketh under rys;
Ne mai us ryse no rest rycheis ne ro.