Thus me pileth the pore that is of lute pris:
Nede in swot and in swynk swynde mot swo:”
Nede he mot swynde thah he hade swore,
That nath nout en hod his lied for te hude.
Thus wil walketh in londe, and lawe is for-lore,
And al is piked of the pore, the prikyares prude.
Thus me pileth the pore and pyketh ful clene,
The ryche raymeth withouten eny ryht;
Ar londes and ar leodes liggeth fol lene,
Thorh bddyng of baylyfs such harm hem hath hiht.