Nummus eloquentia gaudet singulari.
Nummis in hac curia non est qui non vacet;
Crux placet, rotunditas, et albedo placet,
Et cum totum placeat, et Romanis placet,
Ubi nummus loquitur, et lex omnis tacet.
Si quo grandi munere bene pascas manum,
Frustra quis objiciet vel Justinianum,
Vel sanctorum canones, quia tanquam vanum
Transferunt has paleas, et inbursant granum.
Solam avaritiam Roma novit parca,