Suam, vel alterius, hoc in primis legat,—
Nisi det pecuniam Roma totum negat,
Qui plus dat pecuniæ melius allegat.
Romani capitulum habent in decretis,
Ut petentes audiant manibus repletis:
Dabis, aut non dabitur, petunt quia petis;
Qua mensura seminas, et eadem metis.
Munus et petitio currunt passu pari,
Opereris munere si vis operari:
Tullium ne timeas si velit causari,