Si non cupis vivere pauper et mendicus,
Semper in laboribus sicut servus Stichus,
Igni digna subjici sine fructu ficus,
Dilige sic alios ut sis tibi carus amicus.
Expedit pauperibus abhærere legi;
Insudare nimium artibus elegi.
Ignoro propterea unde possum regi,
Carmina qui quondam studio florente peregi.
Nonne circa logicam si quis laborabit,
Spinas atque tribulos illi germinabit?