In sudore nimio panem manducabit;
Vix tamen hoc illi garula lingua dabit.
In arenam logicus frustra semen serit,
Nam metendi tempore fructus nullus erit;
Circa ficum sterilem labor omnis perit.
Arbor qualis erit, talia poma gerit.
Licet sis ad apicem artium provectus,
Fies junioribus in brevi despectus;
Dicunt de te, “senio desipit affectus.”
Æmula quid cessas finem properare senectus?