A custode juvenis evolat et seris,
Gaudet equis, canibus, aleis, et meris,
Venator libidinis, auceps mulieris,
Utilium tardus provisor, prodigus æris.
Vir ut præsit civibus, imperet prætori,
Ut extendat prædia fune longiori,
Et impregnet scrinia censu pleniori;
Quærit opes et amicitias, inservit honori.
Multa circumveniunt senem casus duri,
Vel quod eget, abstinens, census perituri,