Vel quod tractat gelide res, ut prosint furi,
Dilator, spe longus, iners, avidusque futuri.
Sic ætates variat temporum respectus,
Transit ætas tenera cordis in affectus,
Vir in alta, sed ei quem torquet senectus,
Fervet avaritia miseraque cupidine pectus.
Omnis ad hoc hominum animus senescit,
Qui dum quærit extra se res, quærens se nescit,
Non rebus crescentibus ambitus quiescit;
Crescit amor nummi quantum ipsa pecunia crescit.