Sed hoc uno veniam vitium meretur,
Quod cum rerum dominis semper dominetur;
Tanto mens conspectius quæ nil reveretur
Crimen habet, quanto qui peccat major habetur.
Roma, turpitudinis jacens in profundis,
Virtutes præposterat opibus inmundis,
Vacillantis animi fluctuans sub undis,
Diruit, ædificat, mutat quadrata rotundis.
Vultus blandos asperat, quibus nunc arrisit;
Sinu fovet placido quos prius elisit;