Sic nimirum palmites mala stirpe redolent,
Cui caput infirmum cetera membra dolent.
Calcant archipræsules colla cleri prona,
Et extorquent lacrimas ut emungant dona;
Nec, si ferunt miseri pauca, vel non bona,
Æquis accipient animis, donantve corona.
Si de contumelia cæperit quis conqueri,
Statim causæ porrigunt aurem, manum muneri;
Si semel acceperint rem pluralis numeri,
Cras poterunt fieri turpia sicut heri.