Diligit episcopus hilarem datorem,
Fas et nefas ausus post muneris odorem,
Nescius resumere, post lapsum pudorem,
Ejectum semel attrita de fronte ruborem.
Nec archidiacono minor turpitudo,
Quem semel arripuit serio vel ludo
Tenet, nec misertus est inopi vel nudo;
Non missura cutem nisi plena cruoris hirudo.
Decanus insidias natus ad æternas,
Ut exploret symbolum et res subalternas,