Mutans linguæ modulum et vestes hesternas,
Migrat in obscuras humili sermone tabernas.
Presbiter quæ mortui quæ dant vivi, quæque
Refert ad focariam, cui dat sua seque;
Ille sacri nominis, ille mentis æquæ,
Legem qui Domini meditatur nocte dieque.
Fulti verbis laici cleri delinquentis,
Non tam verbis inhiant quam famæ docentis:
Nec sensus sic flectere minis aut tormentis
Humanos edicta valent, quam vita regentis.