Sed quid confert miseris luxus aut potestas
Qui spretis virtutibus colunt res funestas,
Aurum, gemmas, purpuram, et opes congestas?
Cum labor in dampno est, crescit mortalis egestas.
Quid ad rem, de purpura, gemmis, auro, rure?
Assunt cum divitiis odia, jacturæ,
Placita, jejunia, metus, et de jure
Insompnes longo veniunt ex agmine curæ.
Regnat pauper tutius quam rerum collator,
Qui, dum rapit domini gratiam delator,