Vel onustum spoliat prudens spoliator;
Cantabit vacuus coram latrone viator.
Sæpe vivunt gratius rebus destituti,
Sub exili tegete lateris aut luti,
Quam in regum domibus mollibus induti;
Serviet æternum qui parvo nesciet uti.
Sed si quæris copiam veræ facultatis,
Rejice superflua, cole quod est satis,
Exue divitias, nudus cede fatis;
Tolle moram, nocuit semper differre paratis.