Heu! jam totus vertitur mundus in malignum.
Inter gentes quæritur ubi cor benignum.
Christus non recolitur, mortuus per lignum;
Ergo plebs perimitur in vindictæ signum.
Pax et patientia penitus orbantur;
Amor et justitia domi non morantur;
Errores et vitia gentes amplexantur;
Patrum per malitia parvuli necantur.
Pastorum pigritia greges disperguntur;
Insontes astutia mercantum falluntur;