Fraus et avaritia sorores junguntur;
Divitum nequitia pauperes plectuntur.
Simonia colitur, Simon Magus vivit;
Æquitas opprimitur, veritas abivit;
Christi grex dispergitur, lupus insanivit;
Pestisque diffunditur, agnos deglutivit.
Favor non scientia permovet rectores;
Intrudit potentia servos ob labores,
Et regum clementia quosdam per favores;
Æs et amicitia juvant pervisores.