Fortes Christi milites modo recesserunt;
Sathanæ satellites templum subverterunt;
Laceras et debiles oves prodiderunt;
Cuculi degeneres nisis successerunt.
Patres quondam nobiles pestes fugarunt,
Et in fide stabiles languidos sanarunt;
Vita venerabiles signis coruscarunt;
Actus per laudabiles Christo militarunt.
Tales erunt vestibus asperis vestiti;
Ut moderni mollibus raro sunt potiti.