Hii præclaris moribus erant insigniti;
Juvenes a sordibus sacris eruditi.
Heu! nunc mercenarii, nec veri pastores,
Rectores, vicarii, mutaverunt mores;
Ambitu denarii subeunt labores;
Tales operarii merentur mœrores:
Isti pro ciliciis utuntur pellura;
Farciunt deliciis ventres tota cura;
Dant post[ea] spurcitiis se sine mensura;
Suffulti divitiis vivunt contra jura.