Ignibus cum vetera peccata purgantur,
Sua ferant onera jam qui dominantur.
En! amor et caritas regnis refrigescunt;
Livor et severitas gentibus ardescunt;
Cleri plebis veritas et fides tepescunt;
Hinc regni nobilitas et fama quiescunt.
Feminæ fragilitas omni caret laude;
Mercantum subtilitas versatur in fraude;
Et fratrum dolositas jungit caput caudæ.
Homo, si jam veritas te gubernat, gaude!