(3) Hae coniūnctiōnēs Interrogātīvam sententiam indicant: -ne, num, utrum…an, -ne…an, annōn.
INTERIECTIŌNĒS. §28. Haec vocābula sunt quae extrā sententiam stant, e.g. ecce, heus, iō, ō.
VERBA. §29. Inflexiōnēs verbōrum Persōnam, Numerum, Tempus, Modum, Vōcem dēclārant.
Trēs sunt Persōnae, Prīma, Secunda, Tertia: e.g. amāba-m, amābā-s, amāba-t.
Duo sunt Numerī, Singulāris et Plūrālis: e.g. amāba-m, amābā-mus.
Sex sunt Tempora, Praesēns, Praeteritum Imperfectum,
Futūrum, Perfectum, Praeteritum Perfectum,
Futūrum Perfectum: e.g. ama-t, amā-bat, amā-bit,
amā-vit, amā-verat, amā-verit.
Quattuor sunt Modī, Indicātīvus, Imperātīvus, Īnfīnītīvus, Coniūnctīvus: e.g. am-ās, am-ā, am-āre am-ēs.
Duae sunt Vōcēs, Āctīva et Passīva: e.g. am-at, am-atur.
Dēpōnentia sunt ea verba quae formam Passīvam sed sēnsum Āctīvum habent.
Coniugātiō Verbōrum.