Musa negat, Natura negat, sed suggerit unus
Qualiacunque potest carmina noster Amor.
Gratulor inceptum tibi nobile, gratulor illis,
Inter quos nomen glorior esse meum:
Qui patriæ priscas arteis, loca, nomina, & ipsas
Relliquias sancta relligione colunt;
Quo brevis ostendis conclusus limite campi,
Limite quam nullo clauditur ingenium.
Quòque tuos sensus permulcet amore Vetustas,
Qui nullos casus, ardua nulla fugis.