Per salebras asp’ras, per tortas ambitiones,
Et cæcos calles, improbe, carpis Iter.
Stagna lacúsque inter, limosáque pascua Lindi,
Romanæ explorans avia strata viæ.
Hic ubi sorte dolens, pelagi tot jugera rector
Æquoris herbosi non sua, rapta tenet.
Plura quidem tenuit, sed jussit Jupiter acres
Martigenas patrui vim cohibere sui.
Haud secus ac jussi faciunt, partémque receptam
Terreni, ut par est, æquoris esse jubent.