Sed aliud habeo. At tu, o perdita, decumbe, et ne fer mihi quidquam.
MYRRHINA.
Istuc agam, ita me Diana amabit. Calceos igitur exuo. Sed, o carissime, vide ut decernas aliquid de pace facienda.
CINESIAS.
Consulam. (Myrrhina aufugit.) Perdidit me et attrivit mulier tum aliis omnibus, tum quod me excoriatum relinquens abiit. Hei mihi! quid faciam? quem futuam, postquam spe excidi potiundæ pulcherrimæ? quomodo hancce educabo?[688] Ubi Cynalopex?[689] loca mihi mercede nutricem.
CHORUS SENUM.
In maxumis malis, o infelix, et animi angore cruciaris; et me tui miseret. Heu! heu! Quinam renes possint durare? quis animus? qui colei? quis penis intentus, nec mane permolens aliquam?
CINESIAS.
¡Oh Júpiter, qué horribles convulsiones!