Et s'il advient que tu sois homme riche,
Tu ne dois estre en rien eschars ne chiche,
Mais liberal, donnant à tes amys
Des biens que Dieu en ta puissance à mis.
En leur faisant quelquefois bonne chere,
Sans t'arrester à quelque chose chere.
Et des biens donne aux pauvres de Dieu
A ton pouvoir en toute place & lieu:
Car Jesus Christ par precept immobile
L'a commandé en son sainct Evangile.