Ie n’en sçay point, et point n’en ay commise,
Sinon que c’est malheur qui à sa guise
Me va vexant et m’a ià vexé tant,
Que de mes maulx deburoit estre content.
Pour ces fardeaulx, les seigneurs de Paris,
Fort courroucés contre moy et marrys,
Sans aultre esgard despeschent vne lettre,
Pour en prison soubdain me faire mettre.
Ce qui fut faict, et en prison fus mys.
O quel plaisir eurent mes ennemys !