De me purger enuers vous de l’offense
Qu’on me mect sus, et pour ce que ie pense
Que vous croyez que pour vray suis coulpable,
Veu qu’ay cherché le moyen conuenable
Pour sortir hors de prison caultement,
Prouuer vous veulx qu’il est tout aultrement,
Si à ma preuue adiouter voulez foy,
Sans vous monstrer trop bendés contre moy.
Le cas est tel (si bien ne le sçauez,
Ou si au vray entendu ne l’auez) :