Que c’estoit moy qui les balles susdictes
Auois remply de choses interdictes.
Les liures doncq’ de mon impression
Estoient dans l’vne (ô bonne inuention !),
Et l’aultre balle (et c’est dont on me greue)
Remplie estoit des liures de Genesue,
Et à l’entour, ou bien à chasque coing,
Estoit escript, pour le veoir de plus loing,
Dolet, en lettre assez grosse et lysable.
Qu’en dictes vous, Prince à touts equitable ?